ಕೃಪೆ

ತಿರುವಿನಾ ತಿರುವಲ್ಲಿ ತಿರುಗುವ ತನುವನ್ನು
ತನ್ನತ್ತ ಸೆಳೆದೀತೇ ಮನವು...
ತಲ್ಲಣಿಸುವ ಅವಧಿಯಲ್ಲಿ ತನ್ಮಯತೆ ತೊರೆದಾಗ
ತನ್ನತ್ತ ಒಲಿದೀತೆ ಒಲವು...

ಮನಸ್ಸು ಮಲಗಿರಲು, ಒಡಲಲ್ಲಿ ಕನಸೊಂದು
ಲಾಲಿಯ ಹಾಡುತಿದೆ ರಾಗದಲ್ಲಿ
ಎಚ್ಚರಿಕೆಯು ಮನಮುಟ್ಟಿ ಎಚ್ಚರಿಸಿದ ಕ್ಷಣದಲ್ಲಿ
ರಾಗವಾ ಮರೆತಾಯಿತು ಮೌನದಲ್ಲಿ.

ತೋರದಾಯಿತು ಕನಸ್ಸಿಂದು, ಮನಸ್ಸಿಂದ ಮುಗುಳ್ನಗುತ
ಹೋಗುವೆ ನಾನಿಂದು - ಬಾರೆನೆಂದು.
ತನುವೆಂದು ಮನಮಾಡಿ ಒಲವಿಂದ ಕರೆಯುವುದೋ
ಬರುವೆನು ನಾನಾಗ - ಕೃಪೆಯಮಾಡಿ